***Binntal 2010***
Dä Flo und ich sind mit dä Nina für 2 Täg is Binntal greist, zum Kristall go sueche. Während dem die beide uf 2300 Meter am Strahlä gsi sind, han ich dä Tag gnosse, und bin ufs Eggishorn ufe. Leider hani dä Fotichaste nöd däbii gha. Aber
däfür hani e herrlichi Ussicht uf dä Aletschgletscher und Eiger, Mönch und Jungfrau gha. Ebenfalls - i die ander Richtig blickend, hani s'ganze Monte Rosamassiv und s'Matterhöru gseh. Die frisch Bergluft isch natürlich viiiiiiiiiil agnähmer gsi, als die stickig Luft da dihei...
Die beide sind
doch erfolgriich gsi und händ echli Kristall und au Fuchsit gfundä.
Am nächste Tag hämmer dänn na en Steischliifkurs bsuecht, womer sälber es Schmuckstück oder öpis anders händ chöne mache... Aber lueget d'Fotene doch eifach sälber aa...
Fotos |
*** E REIS IS SÜDLICHE AFRIKA...***
Vom 10. bis 31. Mai 09 sind mir Namibia und Botswana go bereisä. Mer händ super Ferie gha und jede Tag sehr viel cooli Sache erläbt! Mer händ doch so ziemli jedes Tier in Botswana gseh, womer gseh chan. Vome Leuärudel, über Leoparde, Krokis, Hippos, Giraffe, Elefante bis zu vielnä Vögel, hämmer doch cheibä viel dörfe (au huutnäch) erläbe! Namibia isch au absolut e Reis wert! D'Landschaft hät eus voll überzoge. D'Victoriafäll sind ebefalls beiidruckend gsi!
Mir möchtet eu d'Fotene und dä Bricht jetzt aber nöd länger vorenthalte... Mir hoffet, ihr händ echli Ziit...
|
